Perdorimi i Kerendia (Finerenone 100 mg; 20 mg)

 Posted in K

FINERENONE

Formë Doza: Finerenone 100 mg; Finerenone 20 mg

Emri Gjenerik: Finerenone

Emri Tregtar: Kerendia

Indikacionet dhe Kriteret e Përdorimit:

Kerendia (Finerenone) indikohet për trajtimin e sëmundjes kronike të veshkave (me albuminuri) të shoqëruar me diabetin e tipit 2 tek të rriturit.

Finerenoni është një antagonist jo-steroidal dhe selektiv i receptorëve të mineralokortikoideve. Studimet klinike kanë treguar se në pacientët me Sëmundje Kronike të Veshkave dhe Diabet mellitus tip 2 me albuminuri, trajtimi me finerenone redukton rrezikun e përparimit të sëmundjes renale kronike drejt stadit përfundimtar dhe terapisë renale zëvendësuese dhe redukton ngjarjet kardiovaskulare krahasuar me placebon.

Finerenone indikohet për pacientët që në kohën e fillimit të barit të plotësojnë të gjitha kushtet më poshtë:

  • Diabet tip 2 dhe SKV me filtrim glomerular (FG) > 25 ml/min/1.73 m² dhe
  • Albuminuri (albuminuri në urinë porcionale ≥ 30 mg ose raporti Alb/ Creat në urinë (UACR) ≥30 mg/g.

Doza dhe mënyra e përdorimit

Doza e rekomanduar është 10 deri 20 mg finerenon një herë në ditë sipas protokollit të trajtimit (shiko më poshtë)

Fillimi i trajtimit

Kaliumi në serum dhe norma e llogaritur e filtrimit glomerular (eGFR) duhet të maten për të përcaktuar nëse tajtimi me finerenon mund të fillohet dhe për të përcaktuar dozën fillestare.

Nëse kaliumi në serum ≤ 4,8 mmol/L, fillohet trajtimi me finerenon. Për monitorimin e kaliumit në serum, shihni më poshtë “Vazhdimi i trajtimit”.

Nëse kaliumi në serum > 4,8 deri në 5,0 mmol/L, fillimi i trajtimit me finerenon mund të konsiderohet me monitorim shtesë të kaliumit në serum brenda 4 javëve të para në bazë të karakteristikave të pacientit dhe niveleve të kaliumit në serum.

Nëse kaliumi në serum > 5,0 mmol/L, trajtimi me finerenon nuk duhet nisur.

Doza fillestare e rekomanduar e finerenonit bazohet në eGFR dhe tregohet në tabelën 1.

Tabela 1: Fillimi i trajtimit me finerenon dhe doza e rokomanduar.

eGFR (mL/min/1,73 m²) Doza fillestare (një herë në ditë)
≥ 60 20 mg
≥ 25 deri në <60 10 mg
<25 Nuk rekomandohet

Vazhdimi i trajtimit

Kaliumi në serum dhe eGFR duhet të maten 4 javë pas fillimit ose rinisjes së trajtimit me finerenon ose rritjes së dozës (shihni tabelën 2 për të përcaktuar vazhdimësinë e trajtimit me finerenon dhe rregullimin e dozës).

Më pas, kaliumi në serum duhet të matet në mënyrë periodike dhe sipas nevojës në bazë të karakteristikave të pacientit dhe niveleve të kaliumit në serum.

Tabela 2: Vazhdimi i trajtimit pas 4 javësh me finerenon dhe rregullimi i dozës

Doza aktuale e finerenonit (një herë në ditë)
10 mg 20 mg
Kaliumi

 

Aktual

 

në serum

 

(mmol/L)

 

 

 ≤4,8

 

 20 mg finerenon një herë në ditë* 20 mg një herë në ditë
>4,8 deri në 5,5 10 mg një herë në ditë 20 mg një herë në ditë
> 5,5 Ndërpritet finerenoni.

kur kaliumi në serum të shkojë ≤ 5,0 mmol/L fillohet me 10 mg një herë në ditë

 

 Ndërpritet finerenoni.

kur kaliumi në serum të shkojë ≤ 5,0 mmo/L fillohet me 10 mg një herë në ditë

 

 

*mbani 10 mg një herë në ditë, nëse eGFR është ulur > 30% krahasuar me matjen e mëparshme.

Kohëzgjatja e mjekimit

Mjekimi zgjat për aq kohë sa vlerësohet se pacienti përfiton nga mjekimi.

Doza e harruar

Nëse pacienti ka harruar të marrë një tabletë, ai duhet ta marrë atë sapo të kujtohet, brenda të njëjtës ditë.

Pacienti nuk duhet të marrë 2 tableta për të kompesuar dozën e humbur.

Monitorimi

  • Kaliumi në serum dhe FG duhet të ri-maten 4 javë pas fillimit të trajtimit, rritjes së dozës ose rifillimit të mjekimit.
  • Pas kësaj, kaliumi duhet të monitorohet periodikisht, duke marrë parasysh stadin e SKV dhe përparimin e stadit të SKV. Nuk është e nevojshme monitorim shtesë në pacientë të stabilizuar në stadin e SKV me nivele në dinamikë brenda normës të K+.
  • Konsideroni ndalimin e përdorimit të barit në rast të Dëmtimit Akut Renal (DAR) dhe bari mund të rifillohet me stabilizimit e funksionit renal.
  • Rekomandoni një dietë me nivele të reduktuara të kaliumit që në rekomandimin e fillimit të barit.
  • Përdorni agjentë lidhës të kaliumit për të arritur nivele të kënaqshme të kaliumit në serum.

Kundërindikacionet

Dëmtim i rëndë i mëlçisë.

Sëmundja Addison.

Finerenone nuk duhet të përdoret gjatë shtatzënisë, pëveçse nëse është marrë parasysh me kujdes përfitimi për nënën dhe rreziku për fetusin.

Pacientët nën trajtim nuk duhet të ushqejnë fëmijët me gji.

Ndërveprimet me barna të tjera

Finerenone nuk duhet të merret së bashku me:

  • Qitro ose lëng qitroje.
  • Inhibitorë të fortë të CYP3A4 (p.sh, clarithromycin, ritonavir, itraconazole)
  • Induktorë të fortë të CYP3A4 (p.sh, rifampicinë, karbamazepinë, fenitoin, fenobarbital)

Efektet anësore

  • Hiperkalemia, hiponatriemia, hiperuricemia, hipotensioni, kruajtje
  • Rënie e shkallës së filtrimit glomerular, rënie e hemoglobinës